अभिनेता माधव केसीलाई उत्कृष्ट मोडलको अवार्ड
काठमाडौं । अभिनेता माधव केसीले उत्कृष्ट मोडलको अवार्ड हात पारेका छन् । हरि आचार्यद्वारा लिखित ‘किन दुख्छ मुटु’ बोलको गीतको म्युजिक भिडियोमार्फत अभिनेता केसीले विराट म्युजिक तथा फिल्म अवार्ड–२०८० को ‘उत्कृष्ट मोडल’ अवार्ड हात पारेका थिए ।
अन्जु पन्तको स्वरमा रहेको उक्त गीतमा अभिनेता तथा मोडल माधव केसी र लजिना सुवेदी द्धारा अभिनित म्युजिक भिडियोले उत्कृष्ट मोडलको अवार्ड जित्न सफल भएको थियो । सेलिव्रेटी नेपाल प्रतिष्ठानको आयोजनामा आयोजित अवार्ड समारोहमा गीतका मोडल माधव केसीलाई उक्त अवार्ड प्रदान गरिएको थियो ।
नवीन कार्कीद्धारा संगीतबद्ध उक्त गितको म्युजिक भिडियोको निर्देशन भने चलचित्र निर्देशक नवल नेपालले गरेका हुन् । मदन कास्यप घिमिरेको छायांकन रहेको् भिडियोको सम्पादन भने नवीन निरौलाले गरेका हुन् ।
अवार्ड प्राप्तीले आफूलाई थप जिम्मेवार महसुस गराएको अभिनेता केसीले बताएका थिए । उनले भनेका थिए, ‘मेरो कामको मूल्याङ्कन गरी अवार्ड प्रदान गर्नु हुने जुरी टिम तथा आयोजकप्रति धन्यवाद ज्ञापन गर्दछु ।’
विगत लामो समयदेखी कलाकारितामा लागिरहेका अभिनेता माधब केसी सम्मानित भएका थिए । अभिनेता माधव केसीले जस्ट फर यू ,डन्ट ब्रेक म्याई हार्ट , धुम लगाएत अन्य विभिन्न चलचित्र बाट दर्शकहरुको मन जतिसकेका छन् ।