रास्वपाको बन्द कार्यशाला- २०८२ वैशाखमा राष्ट्रिय महाधिवेशन
काठमाडौं । रास्वपाको भावी रणनीति तथा कार्यदिशा तय गर्न आयोजना गरिएको दुई दिने बन्द कार्यशाला शनिबार सकिएको छ ।
कार्यशालामा पार्टीको विचार, सङ्गठन, संसदीय मामिला, अभियान, मूल्य–मान्यता र लिडरसिप एकेडेमीरक्यान्डिडेट क्लब गरी ६ विधामा छलफल भएको कार्यवाहक प्रवक्ता मनिष झाले जानकारी दिएका छन । बन्द कार्यशालाले पार्टीको राष्ट्रिय सम्मेलन २०८१ असोज ३ र ४ गते तथा राष्ट्रिय महाधिवेशन २०८२ वैशाख तेस्रो सातामा गर्न सुझाव दिएको उनले जानकारी दिएका छन । विधान संशोधन सुझाव कार्यदलको प्रतिवेदन भदौ मसान्तभित्र तयार गरी केन्द्रीय समितिमार्फत राष्ट्रिय भेलामा पेस गर्न सुझाव दिएको पनि उनले जानकारी दिएका छन ।
कार्यशालाले जिल्ला संयोजक तथा उपसंयोजक र निर्वाचन क्षेत्र समितिको संलग्नतामा जिल्ला भेलामार्फत जिल्ला तदर्थ समिति गठन गर्ने तथा पार्टीको अर्थ राजनीतिक (जलेश्वर) प्रस्तावनाको व्याख्या गरी पार्टीको बाचापत्र लगायत अन्य दस्ताबेजका आधारमा केन्द्र, प्रदेश र जिल्लामा प्रशिक्षण गर्न सुझाव दिएको उनले जानकारी दिएका छन । त्यस्तै शासकीय स्वरूपका विषयमा पार्टीभित्र व्यापक छलफलपश्चात् संविधान संशोधन समेतलाई मध्यनजर राखेर पार्टीको अवधारणा तयार गर्ने रास्वपाले जानएको छ ।
विधेयक मन्थन विभागले संसदमा दर्ता भएका विधेयकहरूबारे आवश्यकता अनुसार प्रवासमा समेत छलफल चलाई सुझाव सङ्कलन गर्ने तथा क्यान्डिडेट क्लब र लिडरसिप एकेडेमीको विधान अनुसार नियमावली र कार्यविधि भदौ मसान्तसम्म तयार गर्ने भएको पनि प्रवक्ता झाले जानकारी दिएका छन । त्यस्तै कार्यशालामा पार्टी प्रतिनिधित्व गरेर अन्तर्राष्ट्रिय सभा, गोष्ठी आदि कार्यक्रमहरूमा जाने व्यक्तिको छनोटका लागि मापदण्ड तयार पार्ने सुझाव आएको रास्वपाले जनाएको छ ।
पार्टीको आचारसंहिता र मूल्य मान्यतामा आधारित दस्ताबेजहरू पुनरावलोकन गरी सदस्यहरूबाट प्राप्त सुझावहरू समेत समेटी प्रशिक्षणको सामग्रीमा समावेश गर्ने भएको समेत जनाइएको छ ।
‘जन आवाज अभियान’ समिति गठन गरी देश भरिको जनगुनासा तथा मुद्दाहरू संकलन गर्ने र सदनमा उठाउने तथा कार्यान्वयन भए नभएको अनुगमन गर्न कार्यशालाले केन्द्रीय समितिलाई सुझाव दिएको छ। शुक्रबार र शनिबार गरी दुई दिन चलेको रास्वपाको बन्द कार्यशालाले केन्द्रीय समितिलाई १५ बुँदे सुझाव दिएको छ।
कार्यशालाले केन्द्रीय समितिलाई दिएकाे सुझाव :
