स्वर्गीय ललितादेवी महरको निधनप्रति सभापति देउवाद्धारा दुःख व्यक्त
काठमाडौं । नेपाली कांग्रेसका सभापति शेरबहादुर देउवाले कांग्रेस केन्द्रीय सदस्य एवं शिक्षा विभाग प्रमुख नैनसिंह महरकी ममतामयी माता ललितादेवी महरकाे निधनप्रति दुःख व्यक्त गरेका छन् ।
सभापति देउवाले आइतबार ९६ वर्षको उमेरमा भएको उनको निधनप्रति दुःख व्यक्त गरेका हुन् । नेता महरकी माताको शनिबार डडेल्धुरा उपक्षेत्रीय अस्पतालमा उपचारको क्रममा निधन भएको थियो । स्वर्गीय महरप्रति नेपाली कांग्रेस गहिरो दुःख व्यक्त गरेको पार्टीका मुख्य सचिव कृष्णप्रसाद पौडेलले एक विज्ञप्ती जारी गरि जानकारी दिए ।
सभापति देउवाले स्वर्गीय महरप्रति भावपूर्ण श्रद्धाञ्जली अर्पण गर्दै आत्माको चिर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गरेका छन् ।
