आज प्रधानमन्त्रीसँग प्रत्यक्ष प्रश्नोत्तर

काठमाडौं । संघीय संसद्को प्रतिनिधिसभा बैठकमा आज प्रधानमन्त्री केपी शर्मा ओलीसँग आज दिउँसो १ बजेदेखि सुरु हुने बैठकमा पूर्वनिर्धारित कार्यक्रम अनुसार प्रधानमन्त्रीसँग सांसदहरूको प्रश्नोत्तर कार्यक्रम हुन लागेको छ । गत मंगलबार बसेको प्रतिनिधि सभा बैठकमै सभामुख देवराज घिमिरेले प्रतिनिधि सभा नियमावली २०७९ को परिच्छेद ९ बमोजिमको प्रधानमन्त्रीसँग प्रत्यक्ष प्रश्नोत्तर सम्बन्धी कार्यक्रम २०८१ फागुन ४ गतेको बैठकमा हुने जानकारी गराएका थिए ।

सोही अनुसार आज कार्यसूचीमा यो कार्यक्रम राखिएको छ । प्रधानमन्त्रीसँगको प्रश्नोत्तर कार्यक्रमको लागि यसअघि नै समूह विभाजन भइसकेको छ । समूहमा रहेका सदस्यहरुले आफ्नो प्रश्न लिखित रूपमा दर्ता गराइसकेका छन् । तिनै प्रश्न संसद्‌मा प्रधानमन्त्रीलाई सोध्नेछन् ।