चार दिनपछि बस्ने गरी राष्ट्रिय सभाको बैठक स्थगित

काठमाडौँ । यही फागुन २२ गते सम्मका लागि राष्ट्रिय सभाको बैठक स्थगित भएको छ । चार दिनपछि बस्ने गरी राष्ट्रिय सभाको बैठक स्थगित भएको हो ।

आज आइतबार बसेको बैठकमा शून्य समयमा सांसदहरूले विभिन्न विषयमा सरकारको ध्यानाकर्षण गरेका थिए । गृहमन्त्री रमेश लेखकले संसदमा उठेका प्रश्नहरूको जवाफ दिएका थिए । आइतबार प्रतिनिधि सभाबाट पारित भएर गएका विभिन्न विधेयकलाई राष्ट्रिय सभाले समेत पारित गरेर अगाडि बढाएको छ । साथै, राष्ट्रिय सभाले संविधानसभा सदस्य बिदुर प्रसाद सापकोटाको निधनप्रति शोक व्यक्त गरेको छ ।

राष्ट्रिय सभाका अध्यक्ष नारायण दाहालले अर्को बैठक यही फागुन २२ गते दिउँसो सवा १ बजे बस्नेगरी स्थगित गरेका हुन ।