रिलायबल नेपाल लाइफद्वारा २१ लाख रुपैयाँको बीमा दावी भुक्तानी

काठमाडौं । रिलायबल नेपाल लाइफ इन्स्योरेन्स लिमिटेडले बीमितको परिवारलाई मृत्यु दावी रकम भुक्तानी गरेको छ । कम्पनीले बीमित बेसीशहर नगरपालिका ८ की स्वर्गिय अनिता थापा श्रेष्ठको मृत्युपश्चात निजको परिवारलाई विमा रकम २१ लाख ६७ हजार रुपैया हस्तान्तरण गरेको हो । अनिता थापा श्रेष्ठको गत वैशाख ७ गते डुम्रे बेसीशहर सडक खण्ड अन्र्तगत भानु नगरपालिका १० नेपाल डाँडामा सडक दुर्घटनामा मृत्यु भएको थियो ।

उनले रिलाइबल इन्स्योरेन्समा १० लाख रुपैयाँको बीमा गरेकी थिइन् । बीमा अवधिमा ६ किस्ता मात्र विमा रकम भुक्तानी गरेकोमा उनको निधन पश्चात विमाबापत र बोनस गरी कम्पनीले २१ लाख ६७ हजार रुपैयाँको भुक्तानी गरेको लमजुङ शाखाका शाखा प्रमुख राजु गुरुङले बताए । बेसीशहर नगरपालिका–८ का वडा अध्यक्ष पवित्रा थापा रानाको उपस्थितीमा मृतकको परिवारलाई बीमा दावि रकम बरावरको चेक बीमितलाई हस्तान्तरण गरेको शाखाले जानकारी दिएको छ ।