मिलिजुली कालिञ्चोक सहकारीको चाडपर्व लक्षित योजना

मिलिजुली कालिञ्चोक बचत तथा ऋण सहकारी संस्था लिमिटेडले आगामी चाडपर्वलाई लक्षित गर्दै विशेष ‘चाडपर्व व्यवसाय ऋण’ योजना सार्वजनिक गरेको छ। संस्थाले सदस्यहरूको व्यवसायिक आवश्यकता र मौसमी कारोबारलाई सहज बनाउन अधिकतम १० लाख रुपैयाँसम्म ऋण सुविधा उपलब्ध गराउने जनाएको छ। यस योजना अन्तर्गत ९ प्रतिशत मात्र ब्याजदरमा ऋण लिन सकिनेछ।
योजनाका प्रमुख विशेषताहरु यस्ता छन :
ऋण सीमा : अधिकतम १० लाख रुपैयाँ
म्याद : ६ महिना
किस्ता : दैनिक वा मासिक भुक्तानीको सुविधा
ब्याजदर : ९ प्रतिशत
सहकारीले ऋण लिने सदस्यले विगतका किस्ता समयमै तिरेको हुनुपर्ने, तीन महिनाभन्दा बढी सदस्यता पूरा गरेको हुनुपर्ने र विगतमा बचत गरेको हुनुपर्ने शर्त राखेको छ। संस्थाका अनुसार यस ऋण योजनाले चाडपर्वको समयमा साना व्यवसायी, खुद्रा व्यापारी तथा सेवा क्षेत्रमा संलग्न सदस्यलाई विशेष सहयोग पुर्‍याउने अपेक्षा गरिएको छ।