मनमैंजुमा महिन्द्रा टुएस डिलरको उद्घघाटन

काठमाडौँ । महिन्द्राको नेपालका लागि आधिकारिक वितरक अग्नी समूहले उत्कृष्ट सेवा र सुविधा प्रदान गर्ने उद्देश्यका साथ काठमाडौंको मनमैंजुमा नयाँ टुएस डिलरको उद्घघाटन गरेको छ । महिन्द्राको नयाँ टुएस डिलरबाट महिन्द्रा फोर–व्हिलरका सेवाग्राहीहरुले उत्कृष्ट सेवा प्राप्त गर्न सक्नेछन् । एमएण्डए अटोमोबाइल्स प्रालिको उद्घघाटन एम एण्ड एम, अन्तर्राष्ट्रिय अपरेसन्स्का प्रमुख जोयदिप मोइत्रा र अग्नी समूहका कार्यकारी निर्देशक अर्जुनप्रसाद शर्माको साथै अग्नी समूहका अन्य प्रतिनिधिहरुको उपस्थितिमा सामूहिक रुपमा भएको थियो ।यस नयाँ डिलरको उद्घघाटन हाम्रो नेटवर्क विस्तारको अर्को एक कदम हो,’ बालाजु अटो वर्कस्का प्रबन्ध निर्देशक अर्जुनप्रसाद शर्माले बताए ।

सर्भिस सेन्टरले सबै महिन्द्रा अटोमोबाइल्स जस्तै स्कर्पियो, बोलेरो पिकअप, एक्सयूभी ५००, टियुभी ३००, केयुभी १००, थार, आदिका ग्राहकहरुको लागि सेवा र जेन्युन स्पेयर पार्टस्को सुविधा प्रदान गर्नेछ । अब सर्भिस सेन्टर नजिकै र आसपास रहेका ग्राहकहरुले सहज सेवासुविधाको लाभ लिन सक्नुहुने विश्वास पनि गरिएको छ ।