भारत विरुद्ध टस जितेर पहिले ब्याटिङ गर्दै नेपाल

काठमाडौं । एसीसी इमर्जिङ टिम्स एसिया कपमा नेपालले भारत ए विरुद्ध टस जितेर पहिले ब्याटिङ रोजेको छ ।

भारत विरुद्ध को खेलमा नेपालले पहिले ब्याटिङ रोजेको हो । समूह बी मा रहेको नेपाल पहिलो खेलमा कमजोर ब्याटिङ गर्दा पाकिस्तान ए सँग ४ विकेटले पराजित भएको थियो । यस्तै भारत ए ले पहिलो खेलमा यूएई ए लाई हराएर उत्कृष्ट सुरुवात गरेको थियो ।

रोहित पौडेलको कप्तानीमा रहेको नेपालको सिनियर टोलीले नै इमर्जिङ कप खेले पनि एसिया कपअघि यसलाई तयारीको रुपमा हेरेको छ ।