अवैध मुद्रासहित विमानस्थलबाट एक युवती प्रहरीको नियन्त्रणमा
काठमाडौं । प्रहरीले त्रिभुवन अन्तर्राष्ट्रिय विमानस्थलबाट अवैध रुपमा यूएईको मुद्रा लिएर जान लागेको अवस्थामा एक जनालाई पक्राउ गरेको छ ।
जुगल गाउँपालिका–२, सिन्धुपाल्चोक घर भएकी १९ वर्षीया सुस्मिता गोलेलाई सोमबार विमानस्थल प्रहरीले पक्राउ गरेको जनाएको छ । काठमाडौँबाट फ्लाई दुबईको उडानमार्फत युएई जान लागेकी महिलाको झोला होल्ड ब्यागेज चेकिङ एरियामा जाँच गर्ने क्रममा १० हजार यूएई दिराम र १ लाख ४९ हजार साउदी रियाल फेला परेको प्रहरीले जनाएको छ ।
बरामद गरेको अवैद्य नगदबारे थप अनुसन्धान भइरहेको प्रहरीले जनाएको छ ।