काभा वुमन्स नेसन्स भलिबलमा नेपाल विजयी
काठमाडौं । काठमाडौँमा आजदेखि शुरु भएको काभा वुमन्स नेसन्स भलिबल लिगमा नेपालले विजयी शुरूआत गरेको छ । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार भएको उद्घाटन खेलमा नेपालले श्रीलंकालाई ३ ० को सोझो सेटमा पराजित गरेको हो ।
नेपालले पहिलो सेट २५ १९ ले जितेको थियो भने त्यसपछिका दुई सेट समान २५ १८ ले जितेको थियो । नेपालले अब अर्को खेल शनिबार भारतको सामना गर्ने छ । यो खेल अपरान्ह ३ बजेदेखि शुरु हुने छ । त्यस्तै नेपालले आफ्नो तेस्रो खेल आइतबार साँझ ५स् १५ बजेदेखि इरानसँग खेल्ने छ । त्यस्तै नेपालले आफ्नो लिगचरणको अन्तिम खेल सोमबार ५ः १५ बजेदेखि माल्दिभ्सविरुद्ध खेल्ने तालिका रहेको छ ।