माछापुछ्रे बैंकका सीइओ कोइराला वैकल्पिक ऊर्जा समितिमा

काठमाण्डौं । माछापुच्छ्रे बैंकका प्रमुख कार्यकारी अधिकृत (सीईओ) तथा नेपाल बैंकर्स संघ (एनबीए( का अध्यक्ष सन्तोष कोइराला ऊर्जा, जलस्रोत तथा सिंचाइ मन्त्रालय अन्तर्गतको वैकल्पिक ऊर्जा प्रवर्द्धन केन्द्र (एपिक) अन्तर्गतको वैकल्पिक ऊर्जा समितिमा सहभागी भएका छन्। उक्त समिति नेपालको नवीकरणीय ऊर्जा विस्तारमा नीतिगत तथा वित्तीय सहजीकरण गर्ने उद्देश्यले गठन गरिएको हो। कोइरालाको सहभागिताले नवीकरणीय ऊर्जामा वित्तीय पहुँच र लगानी आकर्षणमा उल्लेखनीय योगदान गर्ने अपेक्षा गरिएको छ। कोइराला हाल दोस्रो कार्यकालका लागि माछापुच्छ्रे बैंकको सीईओ रहेका छन्। उनको नेतृत्वमा बैंकले डिजिटल सेवा विस्तार र ग्रामीण पहुँचमा उल्लेखनीय सुधार गरेको छ। एनबीए अध्यक्षको रूपमा उनले देशभरका व्यावसायिक बैंकहरूका साझा चासोका विषयमा नीति निर्माण तहमा सक्रिय भूमिका खेलेका छन्। वैकल्पिक ऊर्जा समितिमा उनको सहभागिताले बैंकिङ क्षेत्र र ऊर्जा क्षेत्रबीच सहकार्यको नयाँ आयाम थपिएको छ।

नवीकरणीय ऊर्जाका परियोजनाहरूलाई निजी क्षेत्रको लगानी, ऋण प्रवाह, जोखिम साझेदारीजस्ता वित्तीय संरचना विकासमा कोइरालाको अनुभव उपयोगी हुने विश्वास गरिएको छ। कोइरालाको बैंकले हरित वित्त, ग्रामीण पहुँच र डिजिटल सेवा प्रवर्द्धनमा अग्रसरता देखाएको छ। यी प्रयासहरू एपिकको दृष्टिकोणसँग मेल खाने छन्। अब बैंकिङ दृष्टिकोणबाट नवीकरणीय ऊर्जालाई प्रभावकारी बनाउने रणनीति बनाउन सकिनेछ। उनको नियुक्तिलाई नेपालले वित्तीय समावेशीकरणसहित दिगो ऊर्जा विकासतर्फ लिएको रणनीतिक कदमका रूपमा हेरिएको छ। यसले ऊर्जा तथा वित्तीय क्षेत्रबीच सहकार्य विस्तार गर्दै हरित विकासमा टेवा पुर्याउने अपेक्षा गरिएको छ।