सनराइज फोकस्ड इक्विटी फण्डले पायो बोर्डको अनुमति

काठमाडौं । नेपाल धितोपत्र बोर्डले सनराइज फोकस्ड इक्विटी फण्ड योजनालाई स्वीकृति दिएको छ । बोर्डले सनराइज बैंक लिमिटेडद्धारा प्रवद्र्धन गरिएको तथा सनराइज क्यापिटल लिमिटेडद्धारा व्यवस्थापन गरिने सन्राइज म्युचुअल फण्ड अन्तर्गत सञ्चालन हुने उक्त योजनालाई सोमबार स्वीकृति दिएको हो । उक्त योजनाको आकार प्रति इकाई मुल्य १० को १२ करोड इकाई गरि जम्मा १ अर्ब २० करोड रुपैयाँको रहेको छ । यो एक बन्दमूखी सामूहिक लगानी कोष योजना हो । सनराइज क्यापिटल लिमिटेडले हाल सनराइज फस्र्ट म्युचुअल फण्ड तथा सन्राइज ब्लूचिप फण्ड गरि दुईवटा बन्दमूखी सामूहिक लगानी कोष योजनाहरु सञ्चालन गरेको छ ।