एकीकृत समाजवादीले बनायाे तीन सदस्यीय कार्यदल
काठमाडौं । एकीकृत समाजवादीले अध्यक्ष माधव नेपालको नेतृत्वमा तीन सदस्यीय कार्यदल बनाएको छ । मंगलबार बसेको केन्द्रीय सचिवालय बैठकले सरकार गठनको समग्र प्रक्रियामा गृहकार्य गर्न अध्यक्ष नेपालको नेतृत्वमा उपाध्यक्ष प्रमेश हमाल र महासचिव घनश्याम भूसाल रहेको कार्यदल गठन गरेको हो ।
बैठकमा कुन नीति तथा कार्यक्रम र कुन हिस्सेदारीमा सरकारमा जाने भनेर छलफल भएको उपमहासचिव तथा प्रवक्ता जगन्नाथ खतिवडाले जानकारी दिए । उनका अनुसार कार्यदलले गठबन्धनका अन्य दलहरुसँग छलफल गर्नेदेखि आफ्नो दलको तर्फबाट का-को सरकारमा जाने भन्ने विषयमा छलफल गर्नेछ ।
प्रधानमन्त्री पुष्पकमल दाहाल प्रचण्डलाई विश्वासको मत दिएर सरकारमा जाने निर्णय गरेको एकीकृत समाजवादीले तीन मन्त्रालयमा दाबी गरेको छ । तर, कुन–कुन मन्त्रालय लिने भन्नेबारे निष्कर्षमा नपुगिएको उनले बताए ।