हेलि एभरेष्टको हेलिकोप्टर अवतरणका क्रममा ठोक्कियो, चालक दल सुरक्षित
काठमाडौं । हेलि एभरेष्टको हेलिकोप्टर अवतरणका क्रममा ठोक्किएको छ।
आइतबार बिहान पोखरा–धौलागिरी कार्गो उडान रहेको हेलिकोप्टरमा क्षति भए पनि चालक दल सुरक्षित रहेको नागरिक उड्डयन प्राधिकरणले जनाएको छ ।
अल्फा नोभेम्बर ब्राभो कलसाइनको हेलिकोप्टर पाइलट प्रिया अधिकारीको कमान्डमा थियो। एक्कासि सम्पर्कविहीन भएपछि हेलि एभरेष्टले एयर डाइनेष्टीको हेलिकोप्टर घटनास्थलमा परिचालन गरेको थियो।
पोखरा विमानस्थल प्रमुख विक्रमराज गौतमले ११ बजे उडेको हेलि एभरेष्टको हेलिकोप्टर सम्पर्कविहीन भएपछि एयर डाइनेष्टीको हेलिकोप्टर त्यसतर्फ पठाइएको जानकारी दिएका छन् ।