सिंगापुरमाथि युएईको फराकिलो जित
काठमाडौँ । एसीसी प्रिमियर कप अन्तर्गत युएईले सिंगापुरलाई २०१ रनको फराकिलो अन्तरले पराजित गरेको छ ।
युएईले दिएको ४७२ रनको लक्ष्य पछाएको सिंगापुरले ५० ओभरमा ९ विकेट गुमाउदै २७० रन बनाएको थियो ।
सिंगापुरका लागि मनप्रित सिंहले सर्बाधिक ६६ रन बनाए भने थिलिपान ओमैडुराईले ५२ रन बनाएका थिए । त्यस्तै कप्तान अरित्रा दत्त र सुरेनड्रन चन्द्रमोहनले ३८-३८ रन बनाएका थिए ।
त्यसैगरी युएईका बलर आयन अफजल खान, कार्थिक मयप्पन र संचित शर्माले २-२ विकेट लिएका थिए । त्यस्तै जुनैद सिद्धिकी, रोहन मुस्तफा र जहूर खानले एक एक विकेट लिए ।
त्यसअघि टियु क्रिकेट मैदानमा टस जितेर पहिला ब्याटिंग गरेको युएईले ५० ओभरमा अलआउट हुदै ४७१ रन बनाएको थियो ।
युएईका लागि दुई खेलाडीले शतकीय पारी खेलेका थिए । युएईका वृत्य अरविन्दले १७४ रन बनाए भने कप्तान मुहमद वासीमले १६० रन बनाएका थिए ।
त्यस्तै युएईका आयान अफजल खानले ७४ रन बनाए भने संचित शर्माले अविजित १६ रन बनाएका थिए ।
त्यस्तै सिंगापुरका बलर आद्वित्य भार्गवले ४ विकेट लिए भने रमेश कालीमुथुले ३ विकेट लिएका थिए । त्यस्तै विनोथ बासकरणले २ तथा मनप्रित सिंहले एक विकेट लिए ।
जारी एसीसी प्रिमियर कपमा समुह बि मा रहेको युएईले यो जितपछि ३ खेलमा दोस्रो जित हासिल गर्दै ४ अंक बटुलेको छ । त्यस्तै सिंगापुरले भने लगातार तेस्रो हार बेहोरेको छ ।