हिमालयन शेर्पाले सातदोबाटोलाई बराबरीमा रोक्यो
काठमाडौँ । शहिद स्मारक ए डिभिजन लिग अन्तर्गत हिमालयन शेर्पा क्लबले सातदोबाटो युथ क्लबलाई बराबरीमा रोकेको छ ।
आइतबार च्यासल मैदानमा सम्पन्न खेलमा हिमालयन शेर्पाले सातदोबाटोलाई २-२ गोलको बराबरीमा रोकेको हो ।
खेलमा दुई पटकसम्म पछि परेको हिमालयन शेर्पाले खेलमा दुवै पटक कमब्याक गर्दै सातदोबाटोको जितलाई रोकेको थियो ।
हिमालयन शेर्पाका लागि निसान लिम्बु र सुशील लामाले एक एक गोल गरेका थिए भने सातदोबाटोका लागि दिपक सिंह ठकुरीले दुवै गोल गरेका थिए ।
यो खेलपछि सातदोबाटोको ११ खेलमा१८ अंक भएको छ भने हिमालयन शेर्पाको ११ खेलमा १० अंक भएको छ ।