पाकिस्तान र बेलायतका अर्बपति सवार पनडुब्बी अझै भेटिएन, अक्सिजन सकिँदै
काठमाडौं । विश्वको चर्चित जहाज टाइटानिक फेरि चर्चामा छ । टाइटानिक हेर्न गएको पनडुब्बी हराएपछि यसले संसारभर चर्चा पाएको छ । पनडुब्बीमा पाकिस्तान र बेलायतका अर्बपति गरी पाँचजना सवार छन् ।
१ फिट (६.५ मिटर) पनडुब्बी आइतबार समुन्द्रमा डुबेको थियो। दुई घण्टाभन्दा कम समयमै सतहसँग सम्पर्क टुटेको थियो। पनडुब्बीको नाम सिफर्ट टाइटन हो। यो पनडुब्बीमा ९६ घण्टा अक्सिजन आपूर्ति हुन्छ । अब ३० घन्टा मात्रै समय बाँकी छ अक्सिजन सकिन । अहिले अमेरिका र क्यानडाको नौसेनाले पनडुब्बीको खोजी गरिरहेको छ ।
पाकिस्तानका अर्बपति व्यापारी ४८ वर्षीय शाहजादा दाउद र उनका १९ वर्षीय छोरा सुलेमान पनडुब्बीमा सवार छन्। राजकुमार दाउद बेलायतमा बस्छन्। राजकुमारका पिता हुसेन दाउद पाकिस्तानका धनी व्यक्तिको सूचीमा परेका छन् । बेलायतका अर्बपति व्यापारी हमिस हार्डिङ पनि पनडुब्बीमा सवार रहेको उनको परिवारले जनाएको छ । गत हप्ता उनले सामाजिक सञ्जालमार्फत आफ्नो भ्रमणको जानकारी दिएका थिए ।
पनडुब्बी डुबेको टाइटानिक देखाउन आठ दिनको यात्रामा गएको थियो। टिकटको मूल्य साढे दुई करोड डलर अर्थात् करिब दुई करोड रुपैयाँ पर्छ ।टाइटानिक आफ्नो समयको सबैभन्दा ठूलो जहाज थियो। १२ अप्रिल १९७२ मा बेलायतबाट न्यूयोर्कको यात्रामा रहेको टाइटानिक बाटोमा हिमवतखण्डसँग ठोक्किएर डुबेको थियो । जहाजमा २२ सय यात्रु र १५ सय भन्दा बढी चालक दल सदस्य थिए। सबैको मृत्यु भएको थियो ।