सबैको सहकारीद्धारा वृक्षारोपण तथा सरसफाई कार्यक्रम

सबैको बचत तथा ऋण सहकारी संस्थाले वृक्षारोपण तथा सरसफाई कार्यक्रमको आयोजना गरेको छ । सबैको सहकारी संस्था र तिलोत्तमा नगर पालिका वडा नं ९ स्थित प्लटलाइन, ज्ञानोदय तथा सिद्धार्थटोल विकास संस्थाको संयुक्त आयोजनामा बुद्धपरिपथ (देवदह मार्ग)मा बृक्षारोपण तथा सरसफाइ कार्यक्रम सम्पन्न भएको हो ।

सबैको सहकारी संस्थाका सञ्चालक तथा नन्दनवन सेवा केन्द्रका संयोजक चक्रपाणि पाठकको संयोजकत्व तथा वडाअध्यक्ष ध्रुव न्यौपानेको प्रमुख आतिथ्यमा शुरुभएको बृक्षारोपण कार्यक्रममा संस्थाका सञ्चालक, लेखा ,उपसमिति सदस्यहरु, शेयर सदस्यहरु एवं टोलविकास संस्थाका पदाधिकारी तथा स्थानीय बासिन्दाहरुको सहभागिता रहेको थियो ।

सहकारी संस्था र टोल विकास संस्थाको सहकार्यमा बृक्षारोपण कार्यक्रममा हौसला बढाउन कार्यक्रममा तिलोत्तमा नगरप्रमुख रामकृष्ण खाँणको समेत सहभागि रहेको थियो । तिलोत्तमा वडा नं. ९ का वडा सदस्य कमल रेग्मी, वडा सदस्य तारा सुनारको सकृय सहभागिता रहेको संस्थाले जनाएको छ ।