विपिन जोशी जीवित छन्, छाड्ने विश्वास दिलाइएको छ : प्रधानमन्त्री
काठमाडौँ । प्रधानमन्त्री पुष्पकमल दाहाल ‘प्रचण्ड’ ले इजरायल आक्रमणका क्रममा प्यालेस्टाइनी विद्रोही समूह ‘हमास’ को नियन्त्रणमा लिएको भनिएका नेपाली युवा विपिन जोशी जीवित रहेको बताएका छन् ।
दुबईमा आयोजित कोप–२८ सम्मेलनमा सहभागी भएर आएपछि आज (सोमबार) सिंहदरबारमा मूलधारका मिडियाका सम्पादकहरुसँग कुराकानी गर्दै प्रधानमन्त्री प्रचण्डले विपिन जोशीलाई रिहा गर्ने विश्वास दिलाइएको पनि जानकारी गराएका छन् । उनले भने, ‘सरकार आफै गएर ल्याउन सकिने अवस्था छैन तर सरकारले यसबारे पहल गरिरहेको छ ।’