धनकुटामा ओलीमाथि झापड प्रहार
धनकुटा । मध्य पहाडी राजमार्गमा संकल्प यात्रामा रहेका नेकपा एमालेका अध्यक्ष केपी शर्मा ओलीलाई झापड हानेका छन् ।
भोजपुरबाट धनकुटा प्रवेश गरेपछि महालक्ष्मी नगरपालिका ५ लेगुवामा ओलीमाथि मुक्का प्रहार भएको हो । उनीमाथि लेगुवाकै महेश राईले मुक्का हानेका हुन् । फूलमाला र अविरले स्वागत गर्ने लाइनमा बसेका राईले ओलीलाई झापड हानेका हुन् ।
ओलीलाई झापड हानेको भिडियो अहिले सामाजिक सञ्जालमा पनि सार्वजनिक भएको छ । एक मुक्का हानेपछि राईलाई सुरक्षाकर्मी र यात्रामा रहेकाहरुले उनलाई समातेका थिए । ओलीमाथि भएको आक्रमणको विषयमा प्रहरीले भने औपचारिक रुपमा कुनै जानकारी दिएको छैन ।