पूर्वसभामुख दमननाथ ढुंगानाको निधन
काठमाडौं । पूर्वसभामुख तथा नागरिक अभियन्ता दमननाथ ढुंगानाको निधन भएको छ । ८३ वर्षको उमेरमा उनको निधन भएको हो ।
बानेश्वरस्थित फ्रन्टलाइन अस्पताल, काठमाडौंमा उपचारको क्रममा उनको आज निधन भएको जनाइएको छ । कलेजोसम्बन्धी समस्याबाट पीडित ढुंगना केही समयदेखि उपचाररत थिए । ढुंगाना आम निर्वाचन २०४८ मा काठमाडौं जिल्लाबाट नेपाली कांग्रेसका तर्फबाट निर्वाचित भएका थिए ।
०४६ सालको जनआन्दोलन पछि प्रतिनिधिसभाको पहिलो निर्वाचित सभामुखको जिम्मेवारीमा थिए । वरिष्ठ अधिवक्ता समेत रहेका ढङ्गाना कलेजोसँग सम्बन्धित समस्याका कारण केही समयदेखि उपचाररत थिए ।