नेपाल प्रिमियर लिगमा चितवन राइनोजको दोस्रो जित

काठमाडौँ । नेपाल प्रिमियर लिगमा चितवन राइनोजले लगातार दोस्रो जित हासिल गरेको छ ।

दोस्रो खेलमा चितवनले पोखरालाई ८७ रनले पराजित गरेको हो । टस हारेर पहिले ब्याटिङ गरेको चितवनले ७ विकेट गुमाएर १६१ रन बनाएको थियो । राइनोजका रवि बोपारले ३८ बल खेलेर ५१ रन बनाएका थिए । तनवीर, रिजन र लुक बेन्केन्सटेइनले ३-३ विकेट लिएपछि १६२ रनको लक्ष्य पछ्याएको पोखरा १३.२ ओभरमा ७४ रनमा अलआउट भयो ।

पोखराका लागि नारायण जोशीले सर्वाधिक ३० रन बनाउनु बाहेक अन्य खेलाडीले राम्रो प्रदर्शन गर्न सकेनन् । जोशीले २४ बल खेल्दै ३ चौका र २ छक्का प्रहार गरे । म्याट क्रिटलेले १७ रन जोडे ।