एनपिएलमा सुदूरपश्चिम रोयल्सको लगातार दोस्रो जित

काठमाडौं । सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले लगातार दोस्रो जित निकालेको छ ।

काठमाडौँ गुर्खाजलाई ७३ रनले पराजित गर्दै सुदूरपश्चिम रोयल्सले लगातार दोस्रो जित निकालेको हो । काठमाडौँ गुर्खाजलाई १५.४ ओभरमा अल आउट गर्दै सुदूरपश्चिम रोयल्स विजयी भएको हो । काठमाडौँलाई कम स्कोरमा समेट्न सुदूरपश्चिमका नरेन साउँदले कसिलो बलिङ गरे । नरेनले सर्वाधिक ५ विकेट लिए । ३.५ ओभर बलिङ गरेका नरेनले १९ रन खर्चिएर ५ विकेट लिएका थिए । यस्तै अभिनाष बोहराले २ विकेट लिए ।

ब्रान्डन मक्मलेन र सेफ अलि जेबले समान १–१ विकेट लिए ।