जाजरकोट जिप दुर्घटना, ७ घाइते ३ गम्भीर

जाजरकोट । बारेकोट गाउँपालिकाको लिम्साबाट जाजरकोट सदरमुकाम आउँदै गरेको घ १ ज ५९५ नम्बरको बोलेरो जिप दुर्घटना भएको छ ।

सोमबार लिम्साबाट जाजरकोट सदरमुकामका लागि छुटेको बोलेरो जिप नलगाड नगरपालिका–४ बाउसे खोला जिरो प्वाइन्ट टोट्केमा दुर्घटना भएको प्रहरीको जनाएको छ ।

बोलेरोमा सवार ७ जना घाइतेमध्ये ३ जनालाई गम्भीर चोट लागेको छ । जिपमा सवार घाइतेलाई जाजरकोट अस्पताल ल्याइएको जिल्ला प्रहरीले जनाएको छ ।

घाइतेहरुमा बारेकोट गाउँपालिकाका ७० वर्षीय ओइला घर्ती, ७१ वर्षीय तुलसी पुन, ६० वर्षीय धनकली थापा, २२ वर्षीय आकाश घर्ती, ७८ वर्षीय निलु सिंह, ८० वर्षीय पद्मी घर्ती, ७० वर्षीय जैकली रोकाय सवार रहेका नलगाड नगरपालिका –४ का वडा अध्यक्ष बद्री पन्तले बताए ।

सेयर गर्नुहोस्

Leave a Reply

Your email address will not be published. Required fields are marked *