हिमालयन डिष्टिलरीको नाफामा सुधार

काठमाडौं । हिमालयन डिष्टिलरीको आम्दानी बढेसँगै नाफामा बढोत्तरी आएको छ । कम्पनीले चालु आवको दोस्रो त्रैमाससम्म ४४ करोड ८३ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा १०.७३ प्रतिशतले बढी हो । अघिल्लो आवमा कम्पनीले ४० करोड ४९ लाख रुपैयाँ खुद नाफा आर्जन गरेको थियो । कम्पनीको खुद बिक्री आम्दानी पनि १६.२४ प्रतिशतले बढेको छ । कम्पनीले १ अर्ब ७५ करोड करोड रुपैयाँबराबरको बिक्री आम्दानी गरेको छ । अघिल्लो आवमा भने कम्पनीले बिक्रीमार्फत १ अर्ब ५१ करोड रुपैयाँ कमाएको थियो ।

कम्पनीको कर्मचारी सुविधा खर्च १३ करोड ७७ लाखबाट बढेर १९ करोड ७५ लाख, प्रशासनिक तथा अन्य खर्च ४ करोड ४२ लाखबाट बढेर ७ करोड ८५ लाख बिक्री तथा वितरण खर्च १९ करोड ४८ लाखबाट बढेर २८ करोड ७ लाख र वित्त खर्च ६ लाख ५५ हजारबाट घटेर ६ लाख २७ हजार रुपैयाँ पुगेको छ । अघिल्लो आवमा ५३ करोड ४५ लाख रहेको कम्पनीको सञ्चालन मुनाफा ६१ करोड २५ लाख पुगेको छ । कम्पनीको रिजर्भको आकार ७६ करोड ९८ लाख रुपैयाँ रहेको छ । कम्पनीको कुल चालु सम्पत्ति ३ अर्ब ८९ करोड र कुल चालु दायित्व ६३ करोड ३० लाख रुपैयाँ रहेको छ । समीक्षा अवधिसम्म कम्पनीको प्रतिसेयर आम्दानी९ईपीएस०२४।३१ रुपैयाँ रहेको छ ।