युरोपमा गर्मिको कहर 
काठमाडौँ । पश्चिमी युरोप आजकाल चर्को गर्मीको सामना गरिरहेको छ । पश्चिमी युरोपमा तापक्रम बढ्दै गएको छ भने कडा तातो हावा उत्तरतर्फ सरेको छ ।
सोमबार फ्रान्स र बेलायतमा अत्यधिक गर्मीको चेतावनी जारी गरिएको थियो। अर्कोतर्फ, स्पेनमा सोमबार ४३ डिग्री तापक्रम थियो ।
फ्रान्स, पोर्चुगल, स्पेन र ग्रीसको जंगलमा लागेको आगलागीका कारण हजारौं मानिस घरबार छोडेर सुरक्षित स्थानमा जान बाध्य भएका छन् ।
विज्ञहरू भन्छन्, बेलायतले चाँडै नै सबैभन्दा तातो दिनको सामना गर्नेछ र फ्रान्सका केही भागहरू अत्यधिक गर्मी भएको बताइएको छ ।
फ्रान्सको मौसम विभागका अधिकारीका अनुसार देशका धेरै सहरमा अहिलेसम्मकै सबैभन्दा तातो दिन आएको छ । पश्चिमी सहर नॉटमा मौसम ४२ डिग्रीसम्म रेकर्ड गरिएको छ ।
हालैका दिनहरूमा युरोपका धेरै देशहरूमा जंगलमा लागेको आगलागीका कारण ३० हजारभन्दा बढी मानिसले आफ्नो घर छाड्नुपरेको छ । चिडियाखानामा आगलागीको खतरा पनि थियो, जसका कारण त्यहाँबाट एक हजारभन्दा बढी जनावरहरूलाई बाहिर निकालिएको छ ।
फ्रान्सको दक्षिण-पश्चिममा रहेको लोकप्रिय पर्यटकीय क्षेत्र गेरान्डमा यसले ठूलो प्रभाव पारेको छ । गत मंगलबारदेखि यहाँ आगलागीका कारण १७ हजार हेक्टर जमिन जलेर नष्ट भएको छ । अझै आगो निभाउने प्रयास भइरहेको छ ।
स्पेनको उत्तरपश्चिमी जामोरा क्षेत्रमा भएको आगलागीमा परी दुई जनाको मृत्यु भएको छ भने रेल ट्र्याक नजिकै आगलागी हुँदा यस मार्गबाट गुज्रने रेलको आवतजावत ठप्प भएको छ । पूर्वी पोर्चुगलमा आगलागीबाट बच्न प्रयासरत एक वृद्ध दम्पतीको मृत्यु भएको छ ।
आगो नियन्त्रण बाहिर
गेरोन्ड प्रान्तका अध्यक्ष खुआन-लुक ग्लीजले यो आगो राक्षस जस्तै भएको बताएका छन् । उनले भनेका छन्- यो अक्टोपस जस्तो देखिने राक्षस हो र चारैतिरबाट हिँडिरहेको छ, तापक्रमको कारणले, हावाको कारणले, हावामा पानीको कमीको कारणले … यो एक राक्षस हो जुन अगाडि बढ्छ र लड्छ । धेरै गाह्रो छ ।’
सोमबार बेलायतमा सबैभन्दा तातो दिन थियो। मंलगबार पूर्वी इङ्गल्याण्डको सफोकमा ४० डिग्री तापक्रम रेकर्ड गरिएको थियो ।
तापक्रम अझै बढ्न सक्ने जल तथा मौसम पूर्वानुमान महाशाखाले जनाएको छ । मध्य, उत्तरी र दक्षिण-पूर्वी इङ्गल्याण्डका लागि गर्मीको लहरको चेतावनी जारी गरिएको छ ।
गर्मीबाट राहतका लागि खोला वा तालको सहारा लिएका कम्तीमा चार जनाको यहाँ डुबेर मृत्यु भएको छ । गर्मीका कारण रेलहरू रद्द गरिएका छन् र लन्डनको लाफ्टन एयरपोर्टमा उडानहरू स्थगित गरिएको छ ।
सोमबार नेदरल्याण्डमा एक वर्षमा अहिलेसम्मकै सबैभन्दा तातो दिन थियो । दक्षिणपश्चिमी सहर वेस्टडर्पमा ३३.६ डिग्री सेल्सियस तापक्रम रेकर्ड गरिएको छ ।
तापक्रम बढ्ने अनुमान गरिएको छ, जुन नेदरल्याण्ड्सको दक्षिणी र मध्य भागहरूमा ३९ डिग्रीसम्म बढ्न सक्छ ।
तातो हावा उत्तरतर्फ सरेको मौसम पूर्वानुमान महाशाखाले जनाएको छ । बेल्जियम र जर्मनीमा आगामी दिनमा तापक्रम ४० डिग्रीसम्म पुग्न सक्छ ।
स्पेन र पोर्चुगलमा मृत्यु
स्पेन र पोर्चुगलमा हालैका दिनमा कडा गर्मीका कारण एक हजारभन्दा बढीको मृत्यु भएको छ । पोर्चुगलको तापक्रम गत बिहीबार ४७ डिग्री पुगेको थियो, जुन जुलाई महिनाको रेकर्ड थियो । मौसम विज्ञान कार्यालय आईपीएमएले देशका अधिकांश स्थानमा आगलागीको जोखिम रहेको चेतावनी दिएको थियो ।
स्थानीय सञ्चारमाध्यमका अनुसार उत्तरी मुह्सा नगरपालिकामा आगलागीको खतरा देखिएपछि ३ सय जनालाई घरबाट विस्थापित गरिएको छ । वनमा लागेको डढेलोबाट ६६ जनाको ज्यान गएको सन् २०१७ जस्तो अवस्थाबाट बच्न प्रशासन चाहन्छ ।
स्पेनमा कम्तिमा २० स्थानमा आगलागी नियन्त्रण बाहिर छ । पोर्चुगलसँगको उत्तरी सिमानामा आगलागीका कारण रेल रोकिएको छ । त्यसमा बसेका एक व्यक्तिले आगलागीको तीव्रताको भिडियो पनि बनाएका छन्, जसमा रेलको डिब्बाको दुबै तर्फबाट कसरी आगो देखिन्छ भनेर देखाइएको छ ।
जलवायु परिवर्तनका कारण पहिलेको तुलनामा तातो हावा चलिरहेको, लामो समयसम्म रहने र पहिले नै तातो हुन थालेको विज्ञहरू बताउँछन् ।
औद्योगीकरण युग सुरु भएदेखि नै विश्वको तापक्रम १.१ डिग्रीले बढेको छ । यदि विश्वभरका सरकारहरूले उत्सर्जन घटाउँदैनन् भने तापक्रम निरन्तर बढ्नेछ।
उही समयमा, विश्व मौसम संगठनले देशहरूलाई चेतावनी दिएको छ, बढ्दो तापक्रम पहिले नै बिरामी र वृद्धहरूका लागि जोखिमपूर्ण हुन सक्छ ।
जलवायु परिवर्तनका कारण भविष्यमा अत्याधिक तापका घटना बढ्ने संस्थाले जनाएको छ । त्यसैगरी, यस्तो मौसमको असर युरोपमा खेतीमा पर्ने र बाली नष्ट हुने संस्थाले जनाएको छ ।
रूस-युक्रेन संकटले पहिले नै विश्वव्यापी खाद्य आपूर्तिलाई असर गरिरहेको छ र अफ्रिकाका केही भागहरूमा खडेरीले खाद्य संकट निम्त्याउन सक्छ, जलवायु परिवर्तनले संकटलाई अझ गहिरो बनाउन सक्छ ।