मनाङले हिमालयन शेर्पासँग अंक बाँड्यो

काठमाडौं । शहीद स्मारक ए डिभिजन लिगको पहिलो खेलमा मनाङ मर्स्याङ्दी क्लबले अग्रता जोगाउन नसक्दा हिमालयन शेर्पासँग अंक बाँडेको छ । दशरथ रंगशालमा शनिवार साँझ भएको खेलमा मनाङ र हिमालयन शेर्पाले १ १ को बराबरी खेल्दै अंक बाँडेको हो । खेलको १४औं मिनेटमा रोशन राना मगरको गोलमा मनाङले अग्रता लिएको थियो । तर अन्तिम पाँच मिनेट मनाङले अग्रता जोगाउन सकेन । हिमालयन शेर्पाका लागि सुरेश कुमालले ८५औं मिनेटमा बराबरी गोल फर्काएका हुन् ।

यसअघि शनिबार भएको अन्य खेलमा एपीएफले थ्रीस्टारलाई २ ० ले तथा चर्च ब्वाइजले नेपाल पुलिस क्लबलाई २ १ ले हराएको छ । आइतबार एनआरटी र सातदोबाटो युथ क्लबबीच च्यासल मैदानमा साढे २ बजे खेल सुरु हुनेछ । त्रिभुवन आर्मी एफसी र संकटा क्लबबीच दशरथ रंगशालमा साढे २ बजे नै खेल सुरु हुनेछ । साविक विजेता मछिन्द्र एफसीले जावलाखेल युथ क्लबसँग दशरथ रंगशालमा साढे ५ बजे खेल्नेछ ।