रविको दावी : अघिल्लो पटक भन्दा बढी मत पाउँछु
चितवन । स्वतन्त्र पार्टीका अध्यक्ष तथा चितवन–२ का उम्मेद्वार रवि लामिछानेले आफूले मंसिर ४ को निर्वाचनको भन्दा बढी मत पाउने दाबी गरेका छन् ।
बालकुमारी मावि निर्वाचन केन्द्र अनुगमनपछि सञ्चारकर्मीलाई प्रतिक्रिया दिँदै उनले मतदाताको उत्साहको आधारमा बढी मत पाउने अपेक्षा गरेको बताए । ‘मतदातामा हाम्रो पक्षमा अघिल्लो पटकको भन्दा बढि उत्साह पाएको छु । परिणाममा पनि त्यहि अपेक्षा गरेको छु,’ लामिछानेले भने ।
लामिछानेले निर्वाचनको मुखमा रास्वपामाथि भ्रम छर्ने प्रयास भएको बताए । लामिछाने चितवनका बिभिन्न मतदान केन्द्रमा पुगेर मतदानको अबस्थाबारे जानकारी लिइरहेका छन् ।