महिला विश्वकप : हारबाट जोगियो अर्जेन्टिना
काठमाडौँ । जारी फिफा महिला फुटबल विश्वकप अन्तर्गत अर्जेन्टिना र दक्षिण अफ्रीकाबीचको खेल बराबरीमा रोकिएको छ ।
शुक्रबार विहान सम्पन्न खेलमा २-० गोलले पछि परेको अर्जेन्टिनाले खेलमा कम ब्याक गर्दै खेल बराबरी गरेर हारबाट जोगिएको हो ।
दक्षिण अफ्रीकाका लागि लिन्डा मोतिहालो र थेम्बी क्गाटलानाले एक एक गोल गरेका थिए । त्यस्तै अर्जेन्टिनाका लागि सोफिया ब्राउन र रोमिना नुनेजले एक एक गोल गरेका थिए ।
जारी विश्वकपमा पहिलो खेल हारेका अर्जेन्टिना र दक्षिण अफ्रिकाले दोस्रो खेलमा बराबरी रोकिएपछि अब अर्को राउण्डमा पुग्ने सम्भावना कठिन देखिएको छ । अब दुवैले आफ्नो अन्तिम खेलमा जित हासिल गर्नै पर्ने भएको छ ।
दुवैको २-२ खेलमा एक एक अंक भएको छ । त्यस्तै समुह जीमा स्विडेन ३ अंक सहित शिर्ष स्थानमा छ भने इटाली पनि ३ अंकसहित दोस्रो स्थानमा रहेको छ ।