ज्योति क्यापिटलले १०.५२ प्रतिशत लाभांश बाँड्ने घोषणा

काठमाडौं । ज्योति क्यापिटलले गत वर्षको नाफाबाट क्यापिटलको सञ्चालक समितिको बैठकले १०.५२६३ प्रतिशत लाभांश वितरण गर्ने प्रस्ताव गरेको हो । क्यापिटलले हाल कायम चुक्ता पूँजीको १०.५२६३ प्रतिशत अर्थात् २ करोड २१ लाख ५ हजार २ सय ३० रुपैयाँ बराबरको नगद लाभांश वितरण गर्ने प्रस्ताव गरेको हो । क्यापिटलले लाभांश वितरण गर्ने प्रस्ताव पारित गर्न भदौ ३१ गते बिहान ९ बजे ज्योति विकास बैंकको केन्द्रिय कार्यालयको सभाहलमा प्रथम वार्षिक साधारणसभा बोलाएको छ ।

यस्तै, क्यापिटलको सभाले आर्थिक वर्ष २०७९।८० को सञ्चालक समितिको वार्षिक प्रतिवेदन, लेखा परीक्षकको प्रतिवेदन र आर्थिक वर्ष २०८०।८१ को लागि बाह्य लेखापरीक्षक नियुक्त गरी पारिश्रमिक निर्धारण गर्ने छ । साथै, क्यापिटल सञ्चालक समितिमा संस्थापक सेयरधनीहरुकोतर्फबाट प्रतिनिधित्व गर्ने सञ्चालकको निर्वाचन गर्ने, सञ्चालकहरुको बैठक भत्ता, पारिश्रमिक तथा सुविधा बढाउने प्रस्ताव गरेको छ । यस्तै, क्यापिटलको केन्द्रिय कार्यालयको ठेगाना परिवर्तन गर्ने प्रस्ताव गरेको छ ।