ओलीजीले राष्ट्रियसभामा हामीलाई जिरो गरेर नजानुस भन्नुभयो : प्रधानमन्त्री
काठमाडौँ । सत्ता गठबन्धनको बैठकमा एमालेलाई केहि सिट दिने विषयमा छलफल भएको छ ।
बुधबार प्रधानमन्त्री निवास बालुवाटारमा भएको गठबन्धनको बैठकमा प्रधानमन्त्री पुष्पकमल दाहाल प्रचण्डले एमालेको प्रस्तावबारे जानकारी गराएका छन् ।
बैठकपछि एकीकृत समाजवादीका उपाध्यक्ष राजेन्द्र पाण्डेले एमाले अध्यक्ष ओलीले प्रधानमन्त्रीसँग राष्ट्रिय सभामा आफुहरुलाई जिरो गरेर नजान आग्रह गरेको जानकारी गराएको बताए ।
पाण्डेले भने- ‘ओलीजीले प्रधानमन्त्रीलाई हामीलाई जिरो गरेर नजानुस् भन्नुभयो । त्यसपछि हामीले उहाँहरुको खास प्रस्ताव के हो ? भन्ने कुरा बुझेर मात्रै टुंग्याउँछौं ।’
नेता पाण्डेले एमालेको प्रस्ताव क्लियर भएर आएपछि छलफल गर्न सकिने बताए । उनले अहिलेसम्म कुनै कुरा निष्कर्षमा नपुगेकाले भोलि बिहान ९ बजे फेरि बैठक बस्ने जानकारी दिएका छन् ।