सानिमा जिआईसीको १३ लाख कित्ता बढी सेयर बिक्रीमा

काठमाण्डौ । सानिमा जिआईसी इन्स्योरेन्स लिमिटेडले संस्थापक समूहको १३ लाख कित्ता बढी सेयर बिक्रीमा राखेको छ। कम्पनीले एक सूचना प्रकाशित गरी संस्थापक समूहको १३ लाख २३ हजार ३ सय ९७ कित्ता सेयर बिक्रीमा राखेको हो ।

इच्छुक संस्थापक सेयरधनीहरुले काठमाण्डौको टंगालस्थित कम्पनीको केन्द्रीय कार्यालयमा खरिद गर्न चाहेको सेयर संख्या र प्रतिकत्ता मूल्यसमेत उल्लेख गरी आवेदन दिन सक्नेछन्। यो सेयर खरिदका लागि ३५ दिनभित्र आवेदन दिनुपर्नेछ। तोकिएको समयभित्र संस्थापक सेयरधनीहरुबाट खरिद आवेदन नपरेको खण्डमा गैर संस्थापकलाई बिक्री गर्ने प्रक्रिया अगाडि बढाइने पनि कम्पनीले जनाएको छ।