साफ यू १९ फुटबलमा नेपाल विजयी

काठमाडौं । साफ यू १९ वुमन्स च्याम्पियनसिपमा भुटानसँगको खेलमा नेपाल विजयी भएको छ । बंगलादेशको बीएसएसएमके स्टेडियममा भएको खेलमा नेपालले भुटानलाई १–० ले हराएको हो । नेपालका लागि सेनु परियारले निर्णायक गोल गरिन् । उनले खेलको ५४ औं मिनेटमा गरेको गोल नै नेपालका लागि विजयी गोल सावित भएको हो ।

यसअघि पहिलो खेलमा भने नेपाल घरेलु टिम बंगलादेशसँग ३–१ ले पराजित भएको थियो । भारत, बंगलादेश, भुटान र नेपाल सम्मिलित यस प्रतियोगितामा नेपालले मंगलबार भारतसँग खेल्नेछ ।