आजबाट विक्रम संवत २०८१ आरम्भ, देशभर शुभकामना आदानप्रदान गरी मनाइँदै
काठमाडौँ । आजबाट विक्रम संवत २०८१ आरम्भ भएको छ ।
आज नयाँ सालको पहिलो दिन वैशाख १ गते नेपालमा नयाँ वर्ष मनाइदैंछ । नयाँ वर्ष प्रारम्भ भएको पहिलो दिन आज देश-विदेशमा रहेका नेपालीहरुले एकआपसमा शुभकामना सन्देश आदानप्रदान गरेर मनाइरहेका छन् । वर्षको पहिलो दिनका अवसरमा आपसमा शुभभावना, शुभचाहाना सहित देशभर नेपालीहरुले नयाँ वर्ष मनाईरहेका छन् । सोही अवसरमा आज शनिबार परेतापनि आजको दिन सरकारले देशैभर सार्वजनिक बिदा दिदैँ आएको छ ।
आजका दिन व्यक्तिले पूराना नमिठा पललाई बिर्सिएर नयाँ प्रण गर्ने दिनका रुपमा पनि लिन्छन् । आज बिहानै स्नान गर्ने, मन्दिर वा आफ्नो आस्था अनुरुपको धार्मिक स्थलमा जाने, घर सफा गर्ने, मिठो-मिठो खाने, साथीभाइ तथा इष्टमित्रसँग भेटघाट गरी एक आपसमा शुभकामना व्यक्त गर्ने गरिन्छ ।
नयाँ वर्षको पहिलो दिन राम्रो सुरुआत भए वर्षभर सफलता मिल्ने जनविश्वास समेत रहेको छ ।