चीनको सपिङ्ग सेन्टरमा आगलागी हुँदा १६ जनाको मृत्यु

काठमाडौं । चीनको एक सपिङ्ग सेन्टरमा आगलागी हुँदा १६ जनाको मत्यु भएको छ ।

बीबीसीका अनुसार आगजनीको यो घटना चीनको सिन्हुआन प्रान्तको जिगोङ शहरमा भएको हो । शिन्हुआन प्रान्तस्थित १४ तल्ले भवनमा रहेको सपिङ्ग सेन्टरमा आगलागी भएको खबर प्राप्त भएको छ ।

बुधवार साँझ भएको आगलागीबाट ३० जनालाई सुरक्षित उद्धार गरिएको प्रहरीले बताएको छ । हालसम्म आगलागीको कारण भने खुलाइएको छैन । तर, भवनमा भइरहेको निर्माण कार्यका कारण विद्युत सर्ट भएर आगलागी भएको हुन सक्ने अनुमान गरिएको छ । सामाजिक सञ्जालमा उपलब्ध भिडियोमा यस भवनको चारैतिर कालो धुवाँ देखिएको छ ।