बझाङमा पहिरोमा एकै परिवारका चारजनाको मृत्यु

काठमाडौं । बझाङमा पहिरोमा पुरिएर एकै परिवारका चारजनाको मृत्यु भएको छ । बुंगल नगरपालिका–१० स्थित टुमेडामा पहिरोमा पुरिएर चारजनाको मृत्यु भएको हो । स्थानीय वीरबहादुर धामीको घर पहिरोमा पुरिँदा चारजनाको मृत्यु भएको हो, बझाङका प्रमुख जिल्ला अधिकारी विश्वामित्र कुइकेलले बताए । पहिरोमा पुरिएर मृत्यु भएका चारजनाको शव निकालिएको छ । ६ जनाले भागेर ज्यान जोगाएको उनले जानकारी दिए ।