प्रभु बैंकको संस्थापक शेयर बिक्रीमा

काठमाडौं । प्रभु बैंक लिमिटेडले संस्थापक शेयर बिक्रीमा राखेको छ । बैंकले विभिन्न ८ जना संस्थापक शेयरधनीहरूको नाममा रहेको २ लाख ८२ हजार ६१९ कित्ता शेयर बिक्रीमा राखेको हो । यसअघि नै संस्थापक शेयरधनीले किन्न पाउने गरी बिक्रीमा ल्याए पनि बिक्री नभएपछि सर्वसाधारणका लागि बिक्री खुला गरिएको हो ।

तसर्थ यो शेयर जोकोही व्यक्ति तथा संस्थाले किन्न पाउनेछन् । इच्छुक खरिदकर्ताले आवश्यक कागजातसहित १५ दिनभित्र बैंकको केन्द्रीय कार्यालय बबरमहल, काठमाडौंमा आवेदन दिनुपर्नेछ ।