मंगलबार नेपाली बजारमा सुनको मुल्य बढ्यो

काठमाडौं । आज सुन-चाँदीको मुल्य बढेको छ ।

नेपाल सुन-चाँदी व्यवसायी महासंघका अनुसार आज सुन तोलामा ११ सयले बढेर तोलाको एक लाख ६२ हजार एक सयमा कारोबार भइरहेको छ । यसअघि सोमबार सुन तोलाको एक लाख ६१ हजारमा कारोबार भएको थियो ।

त्यस्तै आज चाँदीको मूल्य पनि बढेको छ । आज चाँदी प्रतितोला ३५ रुपैयाँले बढेर तोलाको १९५५ रुपैयाँमा कारोबार भइरहेको महासंघले जनाएको छ ।