डिसहोमको नयाँ सेवा केन्द्र सैनामैनाको मुर्गिया क्षेत्रमा
काठमाडौं । डिसहोमले सैनामैना नगरपालिकाको मुर्गिया क्षेत्रमा इन्टरनेट सेवा विस्तार गरेको छ । मुर्गिया क्षेत्रमा स्थापना गरिएको डिसहोमको नयाँ शाखाको उद्घाटन नगर प्रमुख फणेन्द्रप्रसाद शर्माले गरेका छन् । कार्यक्रममा स्थानीय जनप्रतिनिधि, डिसहोमका कर्मचारी लगायतको सहभागिता रहेको थियो ।
नयाँ सेवा केन्द्रले सैनामैना नगरपालिकाका ग्राहकलाई डिसहोमका विविध सेवाहरू उपलब्ध गराउनेछ। ग्राहकले नयाँ सेवा केन्द्रबाट इन्टरनेटको नयाँ जडान, रिचार्ज र टिभी जडान तथा रिचार्ज सेवा बुक गर्न सक्नेछन् । यस सेवा केन्द्रमार्फत अब सैनामैना क्षेत्रका स्थानीय ग्राहकहरूको आवश्यकता समाधान गर्न र गुणस्तरीय सेवा सुविधाहरू थप प्रभावकारी रूपमा प्रदान गर्न सहयोग गरिनेछ ।