जनउत्थान साकोसको १९औं वार्षिकोत्सव विविध कार्यक्रम गरी सम्पन्न

जनउत्थान बचत तथा ऋण सहकारी संस्थाले १९औं वार्षिक उत्सव–२०८१ विविध कार्यक्रम गरी मनाएको छ । संस्थाले १० वटै सेवा केन्द्रहरुमा एकै साथ कार्यक्रम गरेको हो । कार्यक्रममा ऋण बीमा अन्तरगतको बुटवल ११ देवीनगरका होम बहादुर छन्त्याललाई १० लाख रुपैया र तिलोत्तमा १७ प्रिरैया का सीतादेवी थारु, ओम सतिया १ कटैयाको माधुरी चौधरीको परिवारलाई ५र५ लाख रुपैया रकम हस्तान्तरण गरेको छ । वाषिर्क बजेटमा उल्लेखित विविध सामाजिक कृयाकलाप तथा सदस्य सेवा कार्यक्रमहरु अन्तरगत ८३० जना ७० वर्ष कटेका जेष्ठ शेयर सदस्यहरुलाई एक किलो मह, सल र कपबाट सम्मान, ८० जना प्लस टु र ब्याचलर पढ्ने विद्यार्थीहरुलाई ५र५ हजारको दरले जनउत्थान छात्रवृत्ति वितरण र ३० जना बाख्रापालक सदस्यहरुलाई २०,२० हजार रुपैया २ वर्षे निर्ब्याजी ऋण सहयोग पनि उपलब्ध गराएको संस्थाले जनाएको छ । सबै सेवा केन्द्रहरुमा ३।३ जना गरि जम्मा ३० जनालाइ अधिकतम संरक्षित पुँजीकोष प्राप्त गर्ने शेयर सदस्यहरुलाई विशेष पुरस्कार प्रदान गरेको हो।

त्यसैगरी सेवा केन्द्रबाट २३ वटा टोल विकास संस्था तथा आमा समूहहरुलाई ५र५ हजार गरि १ लाख १५ हजार र सबैलाई ८,१२ वटा सम्म कुर्चीहरुको व्यवस्था गरिएको छ । त्यसैगरी विभिन्न विद्यालयहरुलाई सिलिङ फ्यानको पनि वितरण गरिएको थियो । यी लगायत सदस्यहरुलाई सहकारी शिक्षा दिने उद्देश्यले सबै सेवा केन्द्रहरुमा सहकारी हाजिरी जवाफ प्रतियोगिता गरिएको थियो । कार्यक्रममा बाल, महिला र दम्पति खेल खेलाइएको थियो । त्यसैगरी सेवा केन्द्रहरुमा निःशुल्क चिट्ठा कार्यक्रम अन्तर्गत ४१ वटा राइस कुकरहरुको प्रदान गरिएको संस्थाले जनाएको छ ।