संस्थापनइतरले गरेको भेलामा कांग्रेसका जिल्ला सभापति र क्षेत्रीय सभापति को को सहभागी ?

काठमाडौं । नेपाली कांग्रेसको संस्थापनइतरले गरेको राष्ट्रिय भेलामा १० जिल्लाका सभापति सहभागी भएका छन् । साउन २९ देखि ३१ गतेसम्म काठमाडौंमा भएको भेलारसम्मेलनमा सबैभन्दा बढी सुदूरपश्चिमबाट जिल्ला सभापतिहरु सहभागी भएका छन् । कोशी, मधेश र लुम्बिनीका जिल्लाबाट कुनै पनि सभापति भेलामा सहभागी भएनन् । बागमती र कर्णालीका जिल्लाबाट एकरएक जना सभापति उपस्थित भएका थिए । बागमतीमा भक्तपुरका जिल्ला सभापति दुर्लभ थापा मात्रै सहभागी भए । कर्णालीबाट मुगुका जिल्ला सभापति ऐनबहादुर शाही मात्रै सहभागी थिए। गण्डकीका जिल्लाहरुमा स्याङ्जाका राजु थापा, बागलुङका जित शेरचन र म्याग्दी खमवीर गर्बुजा संस्थापनइतरको भेलामा उपस्थित थिए । सुदूरपश्चिमबाट भेलामा सहभागी हुने जिल्ला सभापतिहरुमा कैलालीका नारायणदत्त भट्ट, कञ्चनपुरका पदमबहादुर बोगटी, डोटीका नरेन्द्रबहादुर सिंह, डडेलधुराका भीमबहादुर साउद र बझाङका खड्कबहादुर बोहरा थिए । जिल्ला सभापतिबाट पार्टीले निलम्बन गरेका रामेछापका कान्छाराम तामाङ र बाराका राजेश राय यादवको भेलामा सक्रिय सहभागिता थियो ।

क्षेत्रीय सभापतिहरुमा १७ जना भेलामा गएका थिए । कोशीबाट दुई जना क्षेत्रीय सभापति भेलामा गएका थिए । मोरङ– ६ का देबु तामाङ र उदयपुर– १ का रामकुमार खत्री सहभागी भए । मधेसबाट चार जना क्षेत्रीय सभापति भेलामा आएका थिए । महोत्तरी– ३ का राघवेन्द्र झा, रौतहट– ३ का शरफुलाल गुप्ता, बारा– २ का रामप्रवेश यादव र बारा– ४ सुनिल गुप्ता भेलामा सहभागी भए । बारा–४ का सभापति गुप्ताले चुनावमा असहयोग गरेको भनी पार्टीमा उजुरी समेत परेको छ । बागमतीबाट भेलामा सहभागी हुने क्षेत्रीय सभापतिहरुमा काठमाडौं– ९ का जयकृष्ण महर्जन, काठमाडौं– १० का पुकार महर्जन, नुवाकोट– १ का ध्रुव श्रेष्ठ र सिन्धुपाल्चोक– १, बालकृष्ण बस्नेत भेलामा उपस्थित थिए । गण्डकी प्रदेशबाट क्षेत्रीय सभापतिमा कुनै पनि भेलामा सहभागी भएनन् । लुम्बिनीबाट क्षेत्रीय सभापतिबाट भेलामा सहभागी हुनेमा कपिलवस्तु– १, अब्दुल मुनान खाँ र बाँके–१ का पोषण केसी सहभागी भए । कर्णालीबाट दुई जना क्षेत्रीय सभापति भेलामा उपस्थित थिए । सुर्खेत–१ का झकबहादुर डाँगी र सुर्खेत(२ का इन्द्र राहुल सहभागी भए । सुदूरपश्चिमबाट भेलामा सहभागी हुने क्षेत्रीय सभापतिहरुमा कैलाली–३ की रिता चौधरी, कञ्चनपुर– २ का लालबहादुर सिंह र कञ्चनपुर ३ का केशव चन्द थिए ।