चाइना ट्रेड बहुउद्देश्यीय सहकारीद्धारा उद्धार कोषमा १ लाख ५ हजार योगदान

काठमाण्डौं । चाइना ट्रेड बहुउद्देश्यीय सहकारी संस्थाले बाढी प्रभावितको लागि आर्थिक सहयोग गरेको छ । संस्थाले प्रधानमन्त्री दैवी प्रकोप उद्धार कोषमा १ लाख ५ हजार रुपैयाँ योगदान गरेको जनाएको छ । राहत तथा उद्धारका लागि सरकारले गरेको सहयोग आव्हानलाई आत्मसाथ गर्दै संस्थाले विपद्का कारण प्रभावित नागरिकहरुको राहत उद्धार तथा पुनः स्थापनामा सहयोग पुगोस् भन्ने उद्देश्यले संस्थाले सहयोग गरेको अध्यक्ष राजेन्द्रकुमार श्रेष्ठले जानकारी दिए । कोषमा सहकारीका सदस्य, संचालक समिति तथा विभिन्न उपसमिति र कर्मचारीहरुको तर्फबाट आर्थिक सहयोग गरिएको उनको भनाई छ । साथै संस्थाले यस प्राकृतिक विपद्का कारण दिवंगत हुनुभएका स्वदेशी तथा विदेशी नागरिकहरुप्रति हार्दिक श्रदान्जली व्यक्त गर्दै प्रभावित सम्पूर्ण परिवारजनप्रति हार्दिक सहानुभूति र घाइतेहरुको शीघ्र स्वास्थ्य लाभको कामना समेत गरेको छ। गत भाद्र १० गते रसुवा जिल्लाको भोटेकोशी नदीमा आएको विनाशकारी बाढीको कारण रसुवालगायतका प्रभावित क्षेत्रमा अकल्पनीय भौतिक तथा मानवीय क्षति भएकोप्रति संस्थाले गहिरो दुःख व्यक्त गरेको छ ।