प्रकाशमान सिंह : पाटीलाई समयअनुसार परिवर्तन गरेर अघि बढाउनुपर्छ
काठमाडौं । नेपाली कांग्रेसका नेता प्रकाशमान सिंहले समयको चक्रसंगै पाटीले नौलो एजेन्डा लिएर अघि हिड्नुपर्ने बताए ।नेपाली कांग्रेस चितवनले पार्टी कार्यालय चितवनमा आइतबार गरेको भेटघाट कार्यक्रमलाई सम्बोधन गर्दै उनले अहिलेको अवस्थामा एक अर्काको विरोध गर्नुभन्दा पनि पाटीलाई मजबुद्ध बनाउन आन्तरिक छलफल र परामर्शको आवश्यकता रहेको
बताएका हुन् ।
जनताको विश्वासलाई विश्वसनीयता प्रदान गर्नका लागि अब नेपाली कांग्रेसले सुधारको बाटो थाल्न ढिला गर्न नहुने उनको भनाइ थियो । उनका अनुसार कांग्रेसले सुधारको बाटो तत्काल सुरु गरेर सकरात्म परिणाम ल्याउन नसके आगामी दिनमा जनतासामू उभिन गाह्रो हुने भएको छ । उनले कांग्रेस सुधारको एक मात्र विकल्प विधानको कडाइका साथ कार्यान्वयनमा ल्याउनुपर्ने बताए ।
नेपाली कांग्रेसमा अहिले गुटगत स्वार्थका कारण पाटीमा विभिन्न समस्या देखा परेकाले यसलाई तत्काल सुधार गरेर संगठीत रुपमा अघि बढनुपर्ने आवश्यकता रहेको नेता सिंहले बताए ।