श्रीमतीको कुटेर हत्या गरेको आरोपमा एक पुरुष पक्राउ
काठमाडौं । भक्तपुरमा श्रीमतीको हत्या गरेको आरोपमा पक्राउ पर्नेमा सिन्धुपाल्चोक मेलम्ची नगरपालिका–८ घर भएका २५ वर्षीय सन्तोष भुजेल छन् । उनीमाथि २१ वर्षीया श्रीमती पवित्रा राईको हत्या गरेको आरोप लागेको छ ।
प्रहरीका अनुसार भक्तपुर चाँगुनारायण नगरपालिका–३ झौखेल पिपलबोट डेरा गरी बस्ने सन्तोषले बिहीबार बेलुका श्रीमतीलाई कुटपिट गरेका थिए । सन्तोषको कुटपिटबाट घाइते भएकी राईको उपचारको क्रममा भक्तपुर अस्पतालमा मृत्यु भएको हो । पक्राउ परेका सन्तोषमाथि थप अनुसन्धान भइरहेको भक्तपुरका डीएसपी वसन्त पाठकले जानकारी दिए ।