बाढीले बगाएको सिन्धुली–रामेछाप जोड्ने सुनकोशी पुलमा बेलिब्रिज हाल्न सुरु
काठमाडौं । नेपाली सेनाले बाढीले बगाएको सिन्धुली–रामेछाप जोड्ने सुनकोशी नदीको पुलमा बेलिब्रिज हाल्न सुरु गरेको छ ।
सिन्धुलीको गोलन्जोर गाउँपालिका–७ खुर्कोट र रामेछापको मन्थली नगरपालिका–६ को सेलेघाट जोड्न १० वर्षअघि बनेको सुनकोशी माथिको १०० मिटर मध्ये ५१ मिटर पुल बाढीले बगाएको थियो ।
पहिलो चरणमा पुलको सिन्धुलीतर्फको बाँकी भागको सरसफाइ र पारी रामेछापतर्फको पिल्लर प्रयोग गर्न मिल्ने नमिल्नेबारे प्राविधिक जाँच भइरहेको बेलिब्रिज निर्माणमा संलग्न १४ नं बाहीनीको पुल महाशाखाले जनाएको छ । रामेछापतर्फको पिल्लर प्रयोग गर्न मिल्ने अवस्था भइ इक्विपमेन्टहरु सबै आइपुगेमा एकसातामै बेलिब्रिज निर्माण भई यातायात सञ्चालन हुने सेनाका प्राविधिकले बताएका छन् । पिलर पुनः बनाउनु परेमा भने तीन महिना लाग्नेछ ।