राष्ट्रपति पौडेलले ट्रम्पलाई दिए बधाई

काठमाडौँ । राष्ट्रपति रामचन्द्र पोडेलले संयुक्त राज्य अमेरिकाको राष्ट्रपतिमा डोनाल्ड ट्रम्प निर्वाचित भएकोमा बधाई साथै शुभकामना व्यक्त गरेका छन् । राष्ट्रपति पौडेलले बुधबार सामाजिक सञ्जाल ट्विटमार्फत ऐतिहासिक जित हासिल गरेकामा नेता ट्रम्पलाई बधाई दिँदै संयुक्त राज्य अमेरिकाको राष्ट्रपतिका रुपमा उनको दोस्रो कार्यकालको पूर्ण सफलताको कामना गरेका छन् ।

उनले राष्ट्रपति ट्रम्पको कार्यकालमा नेपाल र संयुक्त राज्य अमेरिकाको सम्बन्ध अझ सुदृढ हुने पनि विश्वास व्यक्त गरेका छन् । यसअघि भारतका प्रधानमन्त्री नरेन्द्र मोदीसहित थुप्रै देशका राष्ट्रप्रमुखहरुले ट्रम्पलाई बधाइ दिएका छन् । यसअघि २०२० को राष्ट्रपति चुनावमा डेमोक्रेट्सका नेता जो बाइडेनसँग पराजित भएका ट्रम्प २०२४ मा विजयी भएका हुन् । २०१६ मा पहिलो पटक राष्ट्रपति बनेका ट्रम्पले दोस्रो कार्यकाल भने चलाउन पाएका थिएनन् ।