रास्वपाले देशभरका वडामा मनायो होली, रविले घरमै
काठमाडौं । राष्ट्रिय स्वतन्त्र पार्टी (रास्वपा(ले देशभरका सबै वडामा होली पर्व मनाएको छ । रास्वपाले बिहीबार पार्टी कार्यालय वनस्थलीमा पनि पार्टीका नेता, कार्यकर्ता तथा शुभेच्छुकमाझ होली पर्व मनायो । सो क्रममा उनीहरूले आपसमा रंग दलेर शुभकामना आदान प्रदान गरेका थिए । रास्वपा नेताहरूले आमसर्वसाधारणहरुलाई होलीको शुभकामना दिएका थिए ।
उनीहरूले आफ्ना सभापतिमाथि कानुनी हतियार प्रयोग गरेर अन्याय गरिएको दाबी गरेका थिए । रास्वपा सभापति रवि लामिछानेले भने घरमै होली मनाएका छन् । रवि पत्नी निकिता पौडेलले लामिछानेले बिहीबार अपराह्न सामाजिक सञ्जालमा ‘मायाको रंगमा’ क्याप्सन राखेर श्रीमान् रविसँग घरमै होली मनाएको केही तस्बिर साझा गरेकी थिइन् ।