आजदेखि एमालेको ‘मिसन ग्रासरुट’ अभियानको थालनी
काठमाडौं । नेकपा एमालेको ‘मिसन ग्रासरुट’ अभियान आजबाट शुरु गरेको छ । गत माघ २६ गतेको केन्द्रीय सचिवालय बैठकले सातैवटा प्रदेशमा ५ फागुनदेखि अभियान चलाउने निर्णय गरेपछि नेकपा एमालेले आजबाट ग्रासरुट अभियानको सुरु गरेको हो ।
सवा १२ बजे सबै प्रदेश र विशेष प्रदेशमा आयोजना हुने अभियान अन्तर्गतको अभिमुखीकरण कार्यक्रमलाई पार्टी अध्यक्ष केपी शर्मा ओलीले भर्चुअल माध्यमबाट एकसाथ सम्बोधन गर्ने कार्यक्रम तय भएको स्रोतले जनाएको छ ।
यो अभियानका लागि पार्टीका सम्पूर्ण केन्द्रीय सदस्यहरुलाई ११ वटा कार्यादेश दिएर पालिकाहरुमा खटाइएकाले सदस्यता नवीकरण, प्रशिक्षण, जनप्रतिनिधि र पार्टीको सम्बन्ध सुधार, पार्टीबारे राय सुझाव संकलन जस्ता काम गर्नुका साथै यो अभियानबाट पार्टीले नयाँ गति लिने एमाले उपमहासचिव प्रदीप ज्ञवालीले जानकारी दिए ।