भारतप्रति आभार प्रकट गर्दै प्रधानमन्त्री प्रचण्ड भन्छन्- भ्रमण महत्वपूर्ण भयो
काठमाडौं । भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ले आफ्नो चौथो राजकीय भ्रमण महत्त्वपूर्ण भएको बताएका छन् ।
भ्रमणका क्रममा भारतमै रहेका प्रधानमन्त्री प्रचण्डले समाजिक संजाल ट्विटरमार्फत भ्रमण महत्वपूर्ण भएको बताएका हुन् ।
प्रधानमन्त्री प्रचण्डले भारतीय समकक्षी नरेन्द्र मोदी, भारत सरकार र भारतीय जनताप्रति अभार प्रकटसमेत गरेका छन् ।
उनले भनेका छन्- “प्रधानमन्त्रीको रूपमा मेरो चौंथो राजकीय भारत भ्रमण नेपालको राष्ट्रिय हित र नेपाल–भारत सम्बन्धका दृष्टिले निकै महत्त्वपूर्ण अनुभूत भइरहेको छ । न्यानो आतिथ्य र महत्त्वपूर्ण समझदारीका लागि महामहिम प्रधानमन्त्री नरेन्द्र मोदी, भारत सरकार, र भारतीय जनताप्रति आभार प्रकट गर्दछु ।”
गत बुधबारदेखि भारत भ्रमणमा रहेका प्रधानमन्त्री प्रचण्ड शनिबार स्वदेश फर्किदै छन् ।